بتطول دروب البعاد ... لو حتى خطواية
فى البعد كل الخطا تتمد جوايه
وأمشى ف دروب الحنين اللى بلا نهاية
وانتى دليل سكتى ... فى سماية نجماية
****
دلينى يا سمرة ... يا أم الجبين قمرة
أمشى الخطا تصرخ... " نار البعاد مرة"
****
شَعرك كما ليلى ... بيروح ... وبيجيلى
وألمح على ضيك ... قلبك يغنيلى
****
أحلم أكون رسام ... ياخدنى سيل أحلام
أرسم على كفوفك ... حنين فى حضن سلام
****
أشتاق ... تحنيلى ..... بس البعاد ويلى
امتى اللقا يسمح ... يا سمرة وتجيلى
ليست هناك تعليقات:
إرسال تعليق