كنت بعشق فيكى حلمى ... وانتى كنتى
كنت ح أعشق فيكى صبرك ... لو صبرتى
ما اتفقناش ع الندم .. بس انتى خنتى
ما اتفقناش ع البعاد ... طب ليه بعدتى
ما اتفقناش اننا نضيع خطانا
نمحى شوق جوانا ... أو نهدم هوانا
نقتل الاحلام ... ونبكى ... ونصاحب أسانا
كنت بحلم تبقى ضى فى ليل مدينتى
لية بعدتى
كنت بحلم تبقى لمّــا أصدق فى طوعى
كنتى نفسى تكونى فى الأمواج قلوعى
عمرى ما اتخيلت انك يوم تبيعى
بس فى بعادك ... فى بحر الشوق غرقتى
ليه بعدتى
ليست هناك تعليقات:
إرسال تعليق